FESTIVAL TEATRO GORRILLA. Edición danza e performance

Queremos facer un festival de artes performativas na rúa, máis ambicioso, para máis público e con mellores condicións para as artistas.

Os nosos obxectivos:

• CREAR UN FESTIVAL DE ARTES ESCÉNICAS EN VIGO, no barrio de Bouzas

• Dar espazo a propostas independentes e autoxestionadas

• Xerar máis opcións culturais e de ocio en Vigo

• Expandir o proxecto do Teatro Gorrilla a outros públicos e barrios

• Ofrecer mellores condicións laborais a artistas locais e mostrar o seu traballo

• Levar as artes performativas ao publico

Por que precisamos da túa axuda?

Queremos profesionalizarnos e mellorar a oferta artística, a producción e a comunicación organizando un festival no barrio de Bouzas, combinando actuacións na rúa e nos bares. En Vigo fan falta iniciativas coma estas e poder disfrutar dun festival de artes escénicas, por isto lanzamos unha campaña de financiamento.

A nosa motivación é ofrecer a Vigo (e Galicia) unha alternativa cultural distinta ao ocio tradicional...

Este proxecto vai dirixido a todas as persoas que disfrutaran do Teatro Gorrilla, ás persoas que buscan máis opcións culturais e ás persoas que queren apoiar iniciativas independentes e autoxestionadas.

Consegue recompensas exclusivas

Coas túas achegas accedes a recompensas físicas, formacións e actividades con plazas limitadas.

• Poderás conseguir deseños impresos exclusivos de comics do Teatro Gorrilla en formato postal e póster

• Acceso a formacións que terán lugar durante o festival ou en datas a definir

• Merchandising do Gorrilla

• Acceso ao percorrido performativo que faremos polo barrio (prazas limitadas)

Quen somos

Teatro Gorrilla é unha iniciativa de artistas galegas para dar visibilidade ás artes performativas en rúas e espazos non convencionales en Vigo. Dende 2019, temos transformado bares en teatros alternativos con entrada inversa, garantindo a accesibilidade para todo o mundo.

A misión é clara: sacar a danza, o teatro e a performance dos teatros e achegalos á cidadanía de manera accesible e innovadora. A nosa actividade no barrio de Churruca os últimos cinco anos ten sido un éxito, consolidándonos como plataforma para artistas emerxentes e establecidas.

Equipa:

Sergio Llauger: Actor e creador escénico, fundador do Teatro Gorrilla, encargado de programación e producción.

Laura Merchán: Artista visual, performer e DJ; encargada da imaxe do Teatro Gorrilla.

Eva Comesaña: Bailarina, creadora, pedagoga, xestora cultural e DJ; encargada de comunicación no Teatro Gorrilla.

Cristina Cameselle: Directora artística do festival Por danza, Vigo.

Geni Iglesias: Actriz, xestora cultural e terapeuta, fundadora do festival En Pé de pedra.

A que destinaremos as vosas achegas

O Teatro Gorrilla é un proxecto autoxestionado no que a participación do público ten sido fundamental. En principio non teremos apoio institucional nin patrocinios e esta será a única fonte de financiamento.

Nesta ocasión queremos mellorar as condicións laborais de artistas, a oferta artística, a producción e a comunicación.

• Cachés: 1200€

• Obradoiros: 400€

• Producción: 1000€ (aluguer de equipa, seguro, catering, equipa técnica...)

• Custos de transportes e aloxamentos: 200€

• Custos das recompensas: 200€

• % Verkami: 250€

Calendario previsto

Festival Teatro Gorrilla + Síntese-Vigo do 26 ao 28 de setembro de 2024 Vigo, barrio de Bouzas.

Algunhas das recompensas implican a participación no festival, polo que poderás participar nos días 26, 27 e 28 de Setembro, marcao no calendario!

Sobre as recompensas físicas:

• Poderán ser entregadas no festival en setembro

• Poremos un punto de recollida durante os meses de outubro a decembro en Vigo (informaremos vía mail)

• Ou poderemos enviarchas por correo

+ Info

Podes ver o noso contido nas nosas redes sociais:

• Segue o proxecto no Instagram

• Tamén estamos en Facebook

Saímos en prensa:

• Erregueté

• Faro de Vigo